යළි හමුවෙමු

හුඟ කාලෙකින් සටහනක් දාන්න බැරි උනා. මොනවා කරන්නද? රස්සාවට කොළඹ ගියාම ඔහොම තමයි. දැන් සටහනක් ලියන්න වෙලාවක් ඉතිරි වෙන්නෙ නෑ. කරන්නේ රජයේ රැකියාවක් උනාට කාලය ගමනටම හරි. ගෙදර ආවත් මේක ලියන්න වෙලාවක් හොයාගන්න බෑ දැන්. නැත්නම් ලියන්න දේවල් නම් ගමකට :-)

රජයේ රැකියාවක් ලැබුණු නිසා කොළඹ ගියාට මට නම් කොළඹ ඒ තරම් අල්ලන්නේ නෑ. පහසුකම් අතින් නම් කොළඹ කියන්නේ දියුණුම නගරය, ඒත් ඉතින් ඉන්න හිටින්න බැරි තරම් රස්නෙයි මේ දවස්වල.දන්නවනේ ඉතිං රජයේ රැකියාවක් ගන්න තියන අමාරුව වගේම හම්බ උනාම  මට හතර මහා නිධානෙ පහල උනා ‍වගේනෙ අහන අයගේ කතාවත්. ඒ කතාවල ඇත්ත නැත්ත ඉතින් කට්ටිය දන්නවනේ ;-)

 

මගේ ජංගම දුරකථනය මොබයිල් බ්ලොග් වලට සහය දක්වන්නේ නැති නිසා එහෙමවත් මේකත් එක්ක ඉන්න විදිහක් නෑනෙ. මීට පස්සෙ ඉතිං වෙලාව ලැබෙන විදිහට තමයි ලියන්න වෙන්නේ.

 

ආ තව දෙයක් IntenseDebate Comment එක මම ඉවත් කරා. එහි කමෙන්ට් දාපු අය තරහ වෙන්න එපා හො‍ෙඳේ. ඉඩ ඇති වෙලාවක මම ඒ කමේන්ට් ටික මේකට එකතු කරනවා. පොඩි අවුලකට තියෙන්නේ පරණ දිනේ දාන්න බැරි එක. පුළුවන් නම් උදව්වක් කරන්න.

ජංගම දුරකථන හැඳුනුම්පත්

ජංගම දුරකථන වලට හැඳුනුම්පත් ලබා ගන්න කියල රජය කිව්වෙ මට මතක හැටියට ගිය අවුරුද්දෙ අගෝස්තු විතර. කොහොම හරි ඔන්න මොබිටෙල් එකෙන් දෙන තාවකාලික හැඳුනුම්පත ගත්ත. මාස තුනයි ඒක වලංගු වෙන්නෙ. දැන් මාස 6ක් විතර වෙනවා. තාම අර ‍අපෙ ෆොටෝ ගහල එවනවයි කිව්ව හැඳුනුම්පත් ඇවිල්ලා නෑ. ගිහින් ඇහුවම කියන්නෙ “රජය තාම මේක නීතියක් හැටියට ගෙනල්ල නැති නිසා කලබල වෙන්න එපාලු. අනික් එක තාම ආරක්ෂක අංශවලින් ඕක පරීක්ෂා කරන්නෙත් නෑනෙ.”

මේ නීතිය ගේන්න යනවා කිව්ව කාලෙම මේ ගැන විවිධ මතවාද පලවුණා. කොහොමත් දැන් යුද්ධෙ අවසන් වෙමින් යන නිසා ආණ්ඩුවට මේ නීතිය ගේන්න ඒ දවස්වල තිබුණු හදිසිය නැතිව ඇති. නොමිලෙ දුන්න නිසා අපටත් ආර්ථික පාඩුවක් නෑ. පස්සෙ කියයිද දන්නෙ නෑ හැඳුනුම්පත ගන්න මුදලක් ගෙවන්න ඕනෑ කියලා.

කියන්න පුළුවන්ද?

ශ්‍රී ලංකා ක්‍රිකට් ක්‍රීඩකයන්ට වෙඩි

ශ්‍රී ලංකා ක්‍රිකට් කණ්ඩායමට අද පාකිස්ථානයේදි වෙඩි තියලා. තරංග පරණවිතාන, තිලාන්, මහේල, සංගා, වාස්, අජන්ත මෙන්ඩිස්ට  සහ සහය පුහුණුකරු Paul Farbrace තුවාල ලබා ඇති බවට රොයිටර් සේවය,AFP, Press Trust of India, Sydney Morning Herald යන පුවත් සේවා දක්වා තිබෙනවා. මෙහිදී ආරක්ෂාව සැපයූ පොලිස් නිලධාරින් පස් දෙනෙක් මිය ගොස් තිබෙනවා.

මාලින්දගේ අඩවිය?

ගූගල් Chrome වල

SLT ADSL විස්තර සඳහන් සටහනක් තියෙනවා දැකල යන්න ගියාම දෙන උත්තරේ තමයි මේ. Chrome වල DNS Error – Cannot find Server කියන පණිවිඩය දෙනවා.